احلى مزيكا

موقع ومنتديات تهمتم بالموسيقى وجميع الأغاني السوادنية والتراث وجميع الأغاني العربية وجميع الأغاني الأجنبية والأخبار الفنية
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول
شاطر | 
 

 مكتبة أغاني سيد خليفة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات: 40
تاريخ التسجيل: 31/03/2009

مُساهمةموضوع: مكتبة أغاني سيد خليفة   الخميس أبريل 02, 2009 1:29 am

1/ المنديل

رسل لي ..رسل لي
هدية لطيفة خلت قلبي يحن ويميل
حرير أبيض مشغول بي قطيفة
صورة قلب وسهم نحيل
انت جميل والجابك لي ملاك وجميل
يا منديل ..يا منديل
هدية من ايدك مقبولة
معناها اني على بالك
ونعيد الأيام الأولى نتأمل حسنك وجمالك
انت جميل والجابك لي ملاك و جميل
يا منديل ..يا منديل
لما اسافر يوادع ويشاور
يشاور يوادع ...بالمنديل
لما اعاتبو يداري دموعو بالمنديل
لما أغازلو يداري الفرحة ..الفرحة ..الفرحة
بالمنديل

2/ يا عيني يا طماعة

ياعيني ياطماعة ماشفتيه قبال ساعة
ليه تاني نمشي نقول ما للزيارة أصول
خليني من الشوق من ذكرتو وآهاتو
داير اعيد أتذكر القالو من كلماتو
حين قلت ليه بتنسى وحتفوتني زي الفاتو
ما شفتي وين وداني وكتين حلف بحياتو
في حبو شفت خلاصي في دربو شفت النور
وبقيت اكوس اعذاري علشان أجيه أزور
ما شفتي كيف كلماتو تأخدني كالمسحور
آمالي تملا الدنيا وأحلامي تبني قصور
إنسان فريد في الرقة والبسمة ما بتفارقو
وراني طعم الدنيا يحفظ عيونو الخالقو
وكتين عيوني يتوهوا بالنظر ليهو بسارقو
ياخدني في موجاتو ليل الضفيرة الطالقو


3/ أودع كيف


اودع كيف أدودع؟
افارق
افارق كيف
ولسه الشوق بعيش فيا
اودعكم لا ... افارقكم لا
لالا انا ما بقدر اودعكم
دموعي بتغطي عينيا

لكين اه..لكين اه
واه بتزود الالام
اودعكم لا...افارقكم لا
بتبقى عشرة الايام
اودع
اودع كيف

لو بالأيد
اعيش بينكم مدى الايام
وأغنيلكم
وانتو تكونوا لي الهام
ونزرع ريد
وعالم كلو حب وسلام
لكين اه...لكين اه
واه بتزود الالام
اودعكم لا...افارقكم لا
لالا ما بقدر
دموعي بتغطي عينيا
لكن اه
واه بتزود الالام
اودعكم افارقكم
بتبقى عشرة الايام
اودع...اودع كيف



عندي امل
اعود في موسم الامطار
زهور تضحك
وخضرة تتوج الاشجار
الاقيكم
ويصبح فينا احلى نهار
لكين اه...لكين اه
واه بتزود الالام
اودعكم لا...افارقكم لا
لا لاانا ما بقدر
دموعي بتغطي عيني
لكين اه...لكين اه
واه بتزود الالام
اودعكم لا...افارقكم لا
بتبقى سعاد الأحلام
اودع اودع كيف



في الآخر وداعا
اوعى تنسوني
انا المشتاق
بشيلكم جوا في عيوني
وبطراكم
عليكم الله اطروني
لكن اه...لكين اه
ااااااااااااااااااااااااااااااه...اااااااااااااااا ااااااااه
واه بتزود الالام
اودعكم افارقكم
بتبقى عشرة الايام
اودع .... اودع ... اودع كيف

4/ غيرة
أعلى الجمال تغار منا
ماذا عليك إذا نـظرنا
هى نظرةً تنسى الوقارَ
وتسعدُ الروحَ المعنىّ
دنـياى أنت وفـرحتى
ومنى الفؤادِ إذا تَمَنىّ
أنتَ السماءُ بدتْ لـنا
واستعصمتْ بالبعدِ عنا
هلاَّ رحـمتَ مـتيمـا
عصفت به الأشواق وهنا
وهفت به الذكرى فطاف
مع الدجى مغنى فمغنى
هـزته مـنك مـحاسن
غنى بها لـمّـَا تـغنَّى
يا شعلةً طافتْ
خواطرنا حَوَالَيْها وطــفنــا
أنـسـت فيكَ قداسةً
ولــمستُ إشراقاً وفناً
ونظـُرتُ فـى عينيكِ
آفاقاً وأسـراراً ومعـنى
كلّمْ عهـوداً فى الصـبا
أسألْ عهـوداً كيف كـُنا
كـمْ باللقا سمـحتْ لنا
كـمْ بالطهارةِ ظللـتنا
ذهـبَ الصـبا بعُهودِهِ
ليتَ الطِـفُوْلةَ عـاودتنا


5/ عقد اللولي

يا عقد اللولي اللولي يا بت يا حلوة يا لولي
يا حلاة الشامة في خدك والسن بتضوي اللولي
وين الحلوي وين راحو .. في ليلنا يضوو صباحو
بي بسمة يذيدو عمرنا وكان العزال ارتاحو
امتع بيها عيوني
اضوق من فاها السكر
لكن الحظ العاثر
خلاها تغيب ما تظهر
غشت الجيران لي ثواني
قليبي التاية ودر
في سري اقول يا الله
انشاء الله تغيب لي اكثر



6/ يوم في يوم غريب

يوم في يوم غريب فيه الشمس لمت غروبه وسافرت
بانت نجوم متفرقه زي الدموع في خد حبيب ودع حبيبتو السافرت
والليل ضفاير حزنو مداها الالم زي التقول عارف النهايه القاربت
والكون حزين خايف الهجير شاف الربيع غابت شموسو وغادرت
شفت الفريق ضامي الفرح في دار حبيب ضميتو في قلبي الحنين
ماتت خطاي ضاع الامل واحترت في خوفي الدفين
عاينت لقيت الحبيب في عرشو في تاجو الحزين
حولو العيون فيها الفرح بس الفرح في عيونو ما قادر يبين
والدمعه في عيني تودع طيف حبيب خلاهو لي غدر السنين
واشتقت لي طيف الدموع ومشيت طريق اسمو المصير
ودعت زهرات الامل ورجعت لي املي الكبير
حسيت شعور الراهب السار السنين بفتش ليه دير
لمن تعب سالت دموعو على الدرب خاف الامل ينهي المسير
يا حلم عيد كلمات خطاب من الحبيب تتبان النهايه
حرفو الدموع سطرو النحيب والحسره كانت خاتيها غايه
خلاني اغرق في المصير وانا لسه عايش في البدايه
اندم على الحلم اللراح واطفي الشموع وابكي النهايه



7/ ليل وخمر وشفاه

---------------------------
أغنيات فى شفاه الحب غنّاها الجمال
والمنى يا روح قلبى ليس يفنيه الدلال
أغرقتنى بين أمواج المنى
والمنى شطّ على بحر الغرام
وسقتنى خمر أعناب الهنا
والهنا كأس وهمس وإنسجام
علمتنى كيف أنسى من أنا
وأنا لفظ حرام فى الهيام
يا سقاة الكأس من عهد الرشيد
ما لكاسى ظمئاً أبدا وحيد
ونديمى
قد سرى نجما مع الأفق البعيد
حطم الكأس وولى
وانطفأ نجم تلألأ
وغدت
تبكى على شفتيّ أصداء النشيد
ليل وخمر وشفاه
هنّ للقلب لظاه
هنّ إكسير الحياة
شعرها ليل تموّج
صدرها الوثّاب هودج
شفةٌ عطشى .. وأخرى هى كأسُ
خمرها نار وجمرة
ليتنى لو ذقتها فى فى العمر مرة



8/ ربيع الحب

فى ربيع الحب كنا نتساقى ونغنى
نتناجى ونناجى الطير من غصن لغصن
ثم ضاع الأمس منى
وانطوت بالقلب حسرة
اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا
كانت الجنة مأوانا فضاعت من يدينا
ثم ضاع الامس منى
وانطوت بالقلب حسرة
أطلقت روحى من الأشجان ما كان سجينا
أنا ذوبت فؤادى لك لحنا وأنينا
فارحم العود اذا غنوا به لحنا حزينا
ثم ضاع الامس منى
وانطوت بالقلب حسرة
ليس لى غير إبتساماتك من زاد وخمر
بسمة منك تشع النور فى ظلمات دهرى
وتعيد الماء والأزهار فى صحراء عمرى
ثم ضاع الامس منى
وانطوت بالقلب حسرة


9/ أنشودة الجن
-----------
قم يا طرير الشباب
غنّ لنا غنّ
يا حلو يا مستطاب
أنشودة الجنّ
وأقطف لى الأعناب
وأملأ بها دنّى
من عبقرى الرباب
أو حرم الفنّ
صح فى الرّبى والوهاد
واسترقص البيدا
واسكب على كل ناد
ما يسحر الغيدا
وفجّر الأعواد
رجعا وترديدا
حتى ترى فى البلاد
من فرح عيدا
وأمسح على زرياب
وأطمس على معبد
وأمش على الأحقاب
وطف على المربد
وأغش كنار الغاب
فى هدأة المرقد
وحدّث الأعراب
عن روعة المشهد
صوّر على الأعصاب
وأرسم على حسّى
جمالك الهيّاب
من روعة الجرس
واستدن بابا بباب
واقعد على نفسى
حتى يجفّ الشراب
فى حافة الكأس


10/ ولى المساء
-------------------
ولى المساء **ولى المساء
الواله المحزون في جوف الضباب
وانا أهيئ زينتي ..و أعد مفتخر الثياب
آملاً لقياك الحبيب و يصدني زهو الشباب
أمسي مضي بين التحسر والانين
ووسادتي بدلتها بالدمع والدمع السخين
مع تباريح الصباح وبسمة الفجر المبين
غنيت مثل الطير فرح في رياض العاشقين
تسري النسايم عذبه ..
وانا اهيم بلا بلاد
وتقودني الآمال
في دنيا المباهج والخيال
وهناك ارقد في الرمال
ولا اري غير الرمال
غداً أذوب مهجتي بحر انفاس الغرام
أرنو اليك و لوعتي ظمأى تؤجج في الظلام
وابيت أعشق في الدجي
صوتا ينادي في ملام
ابداً اعيش بحبه
أنا غير أحبابي حطام
غداً نكون كما نود
ونلتقي عند الغروب
غداً تعود مباهجي ..
وتزول عن نفسي الكروب
غداً حبيبي قد يعود
غدا حبيبي حتما يعود


11/ يا وطني
------------------
يا وطنى يا بلد أحبابى فى وجودى احبك وغيابى
يا الخرطوم يا العندى جمالك ..جنة رضوان
طوول عمرى ما شفت مثالك
فى اى مكان
انا هنا شبيت يا وطنى
زيك ما لقيت يا وطنى
فى وجودى احبك وغيابى
ياحليلك وياحليل ايامك
على ليالى زمان
وقلبى عايش لغرامك ما بعد غرام
كانت أيام يا وطنى
زى الأحلام يا وطنى
بتذكر فيك عهد صبايا
على شاطئ النيل
حبيبى جالس حدايا
أسمر وجميل
انا بفخر بيك يا وطنى
بالروح افديك يا وطنى


12/ آلمني حنان

----------------
يوم قسموك يا هم
كتبوا عليك اسمي
لو كان رووك بالدم
يا هم رووك دمي
انا لو رضيت بالهم
مابرضى بي همي
حباني يا أهلي
يا من تعزوني
في الدنيا خاب أملي
في حظي عزوني
أنا لو يحين أجلي
ما تبكوا هنوني
يوم السعادة تفوت
يا ناس تخليني
بين الحياة والموت
يا السعادة زوريني
لو أمروها بالجبروت
السعادة ما بتجيني

13/ أحلى غرام

احلى غرام...واجمل هوى
لا عمرو فات ..
ولا لحظه مات....
ولا انتصر
احلى غرام ...
واجمل هوى ...غرامــــــــــــــى
احلى غرام يا منيتى...
كان لى امل كان دنيتى
انا من سنين راجيك تجى ...
تملى حياتى ووحدتى
قلبى اتولد يحمل هواك
خطا هنا خفقات معـــاك
لا يوم سلاك لا قال نساك
ولا لاجأ فى الاحلام سواك
هدهدتو بى حبك سنـــيـــن
ورويتو بالشوق والحنين
سلمتو ليك وانت الامـــين
على عهد حبى وعشرتى
فى ليله ضاويه تفسض هنا
توجنا ريدنا وحبنا
يا فرحنا...يا بهجنا
بعش السعاده تضمنـــــــــــا

14/ جاري و انا جارو

جاري و أنا جارو
لي متين أزور دارو
بتمنالو الجنة و اتعذب في نارو
أقرب زول لي قلبي ضيعني بسمارو
جاري و أنا جارو
جاري جاري
************
التوب سيبيه يهفهف
الشعر خليه يرفرف
يا حلاته الشعر السادل في كتيفها موجه يصفصف
لما الرقصة تسخن دور و أوع توقف
دور و أوع توقف

قلبي العاشق وافي ما قادر إتخلى
أجمل بت في فريقنا شوقي الزاد ما قل
يا بت أنا ود الحلة عاشق وحياة الله
و الله و الله
************
يا بت حلوة يا سمحة
سارقة لون القمحة
أنا ضايع يا منايا مستني أجمل فرحة
يا حلوة و سيتي نور أيامك زمن الطرحة
حلوة سمحة
************
تسلم لي عيونو
عاد يا الله تصونو
تحفظ لي عفافو جاري الما بخونوا
لو زول جاب لي سيرتو قلبي يدق من غيرتو
حاسدني في جيرتو و قلبي بدق من غيرتو


15/ أنا قلبي بدق

أنا قلبي بدق

تظلمني لي يا جميل ما ليك حق

والله ماليك حق والله ماليك حق

حن يا جميل كلم أحبابك

أنا من زمان واقف على بابك

قول لينا كلمة وأدينا نظرة

أهلك يا حبيبي أسباب غيابك

هل هم أهلك أسباب غيابك

ولا التقاليد حجبت شبابك

أهلي وأصحابي يا نور عينيا

راحو لي أهلك خطبوك ليا

أهلك يا حبيبي صعبين شوية

قالو ليهم لالا مهرك شوية

انتي زنبك ايه وأنا زنبي ايه

وجنو عليك وجنو عليا

ودا الحب لوعرفو أجمل هدية

ومهما قالو ومهما عادو

أنا أصلي ليك وانت أصلك لي

أنا قلبي بدق أنا أنا قلبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamizka.ahlamontada.net
Admin
Admin


عدد المساهمات: 40
تاريخ التسجيل: 31/03/2009

مُساهمةموضوع: رد: مكتبة أغاني سيد خليفة   الخميس أبريل 02, 2009 10:06 pm

اعمل ليك ايه 16/

اعمل ليك ايه لو ترجعلي تاني

افرش ليك ورود وانظملك اغاني

اعزف ليك عود ويغرد كماني

يااحلي الوجود يااغلي الاماني

ماكنته الودود حنين ووافي

ايه خلاك صدود وراك التجافي

كم اوفيت وعود حبيت التصافي

اليوم التعود يوم فرحي وزفافي

من كاسات محنه ومن ينبوع حنان

من فردوس وجنه الوجن الحسان

كنته نعيم حياتي وكنته مني الزمان

كيف هان ليك حبي ودمعي الغالي هان

احييت الفؤاد الماتت زهورو

اتحتت رماد واتهدت قصورو

بعد ما سعدو غاب وغابو معاهو حورو

في لحظه حنان رديت ليهو نورو

نار الحب نعيم مر الحب حلو

والشوق الكتييييييييييييييييييير

قلبي مبهدلو

درب الحب طووووووويل براي مابدخلو

يا احباب زماااااااااااااااااااااان تعالو اسالو

17/ يا مسافر وناسي هواي

يا مسافر وناسي هواك

ارواحنا وقلوبنا معاك

اضناني الغرام والبين

ياروحي الفراق لمتين

قضيت عمري كلو حزين

وعايش على ذكراك

عديت انا نجوم الليل

وفي خدودي الدموع بتسيل

ويا الفارقت ارض النيل

يرعاك الاله يرعاك

طاريك للهوى وعهدو

حظي للشرود وعدو

العاشق يدوم سعدو

يوم جاك ياحبيبي

يوم داك

18/ الفارس الجحجاح
شدوا لك ركب فوق مهرك الجماح
ضرغام الرجال الفارس الجحجاح
تمساح الدميرة الما بيصده سلاح
المال ما بيهمك إن كتر وإن راح
***
بطناً جابتك والله ما بتندم
ويا أسد الكداد الفي خلاك رزم
ويا رعد الخريف الفوق سماك دمدم
***
بابك ما انقفل ونارك تجيب اللم
وما بتحلف تقول غير استريح حرم
***
أبواتك جبير بيسدوا للعوجات
ومطمورتك تكيل للخالة والعمات
وفي الجود والكرم إيديك دوام بارزات
ويا أب قلباً حديد في الحوبة ما بتنفات
***
عينيك يالصقر في الحارة ما بتنوم
صدرك لي الصعاب دايما بعرف العوم
لا بتنلام ولا بتعرف تجيب الللوم
في وسط الفريق للفارغة ما بتحوم
ود ناسا عزاز جمعوا المكارم كوم
تفخر بيك بنات البادية والخرطوم

19/ يحليلا

يا حليلها بت الاصول والعيلة
عروسنا سمحة جميلة
مغادرة الفريق يا حليلها

عريسنا جاب الشيلة
جاب الدهب بالكيلة
رقصن بنات العيلة
وان شاءالله قالوا عديلة

غنو ليك خالتك
زغردن عماتك
انتي زايدة حلاتك
يا احلى وردة جميلة

جرتقوكي امهاتك
وبخرن حجباتك
نيرة بين نديداتك
ومافي ليكي مثيلة

في الرقيص بدعتي
في فنونو برعتي
زايغة زايدة قناعتي
يا شبيهة الريلة

صوت نحاسك غزا
وقام عريسك هزّا
وبسيوف العزة
المن جدودو اصيلة

20/ زنوبة
زنوبة بت النيل
زنوبة يا بت النيل
يا قمر بوبة عليك تقيل

امها الزايدة محنتها
في ليلة القدر اتمنتها
جاتها على حسب ما ظنتها
في عيد رمضان ولدتها
القمرة بت السما
سمتها زنوبة

ربوها في عز وبطر
ما سافرت ما ركبت قطر
الريد في خدودها وفطر
وان ضحكت كب المطر
وان عاينت في عيونها الخطر

زنوبة نوارة الفريق
عجوة التمر والشريق
بعوم ليكي البحر الغريق
وعلى ايدك باخد الطريق
القمر بوبة عليك تقيل

21/ يا صديق مالك
يا صديق....
يا صديق مالك مشغول بالك
قالو لي الحب غير حالك
يا صديق الحب فرحة واحلام
وليالي لقاء وليالي سلام
لكن شايفك عايش في ظلام
وعيونك فيها كلام وكلام

انا برضي بحب زيك واكتر
لكن املي زاهر واخضر
بكرة الاحلام تكبر وتكبر
بكرة الاحلام تصبح سكر

يا صديق الحب عالم مسحور
موفور بعطور ووفاء وغرور
عشاق عايشين في سلام وحبور
والكل آسر والكل ماسور

يا صديق الحب زي الاطفال
فرحة وبهجة وحنان وجمال
ينبوع الحب دايما سلسال
مادام في قلوبنا تعيش امال

22 - أسالوه
اسالوه
اسالوه قايل الناس نسوه....

يوم سافر قطاري ....
يوم لهلبت ناري ....
يوم ودعت حبي ...
يا ناس انا دمعي جاري....


كيف قاعد مطمن ...
سحر الريم يجنن .....
ومن تاثير عيونك ....
لحياتي مامن ......

يا السمرة الحبيبة ...
يا النادية الرطيبة ....
ادوب في القصر العيني .....
و تنقدني الطبية .. الحبيبة

مهلا لا تغيري ....
انا اتقرر مصيري ......
سجنك لي يا ساحرة ....
اه لو ضاقو غيري ......

يا مسافر براك .....
كيف تنسى هواك .....
انا قلبي حباك .....
وبسافر معاك ........

23/ انا مالي ومالو
انا مالي ومالو............ ده الكتلني جمالو

علموهو وصالي ......... هو ادرى بحالي
كم صبرت............. سنين كيدة لعزالي
هم كتير كم قالو .............قالو ما بهواهو
اهم مالم ومالو

الخصور مياسة .........والرموش حساسة
والخشيم كالرسمة ........تحلى فوقو البسمة
كالزلال عندي ............هو لي وحدي
بس انتو مالكم ومالو

وين انا منو ..............الضحوك سنو
الجميل نضمو ............. كاوي لي عزالو
كالزلال عندي........ هو لي وحدي
بس انتو مالكم ومالو

24/ زدني من دلك شوية
زدني من دلك شوية ..............وكتر الاشواق علي
بكرة قلبك يصفو لي.............. وتملا بالانوار عيني

في بحور الشوق مسافر ...... زادي نظرة وابتسامات
يوم اشوفك ابقى قادر.......... ارسى في بر السلامات
القى نفسي بين ايديك......... وانسى عيني في عينيك
انسى كل الدنيا حولي.......... الا انت... وشوقي ليك

في العيون الحلوة تهتا ...........للخدود سلمت امري
باشتياقي ليك بحت .............منتظر لو كان بعمري
او تلوح..... بالامال........... او تلمح.... بالوصا ل
او تصبرني بكلمة.............. حتى لو كانت محال

انت لما تكون معاي ...........ما بفكر في الزمان
لا بدايةو لا نهاية ........ لا الجاي ولا الي كان
كل لحظة تبقى جيل ..........كل لمحة يوم طويل
في عينيك يبدا نهاري ......وانهي بيك حلمي الجميل

25/ سيد الناس حضر
سيد الناس حضر....
يلا يا بدور..... يلا يا زهور غنو للقمر.....

جونا من بعيد..... وبي بشاير العيد....
وبالحنان والريد .....وبالفال السعيد...
فرشو ليه الورود... لبسوه العقود.....
وطبقوو للزغرود..... ونزلو بالبحر....

من حولو البنات... قسمو الشربات....
كلهن حاضرات..... وكلهن تامات ...
غنو بالعديل....... بشر القنديل......
وهز بالنخيل....... بقلب التمر......

رقصت العروس..... وشحتفت نفوس ....
وشالوا القرمصيص.... وظهرت زي بلقيس...
لابسة در نفيس ......خشت في الرقيص......
اتجنن العريس...... والكون انبهر

26/ نانا
نانا يا نانا ......

واحدة بس واحدة .....
واحدة في قلبي .....
شاغلاني يا ربي.....
حنانة كاتلانا.....
باللجنة في لسانا.....
ما تردي يا نانا.....


الشامة الفي خديدها .....
خلقوها للريد ة ......
النونة بتصونا .....
والتبري من لونا .....
والفلجا في سنونا.....
يا اخوانا هالكانا......

ماشة تتنى .......
شوفوها يا اهلنا .....
الريدها جننا ....
سمارا ودرنا ....
مسختي سكرنا ....
كملتي مسختي......
وين رايحة فايتانا......

زدتي البنات زينة .....
يوم جبتي يا حنينة ......
من دونن نورتي......
في قلوبنا اتحكرتي ....
قبلتي دورتي......
وين رايحة فايتانا......

27/ من أنت يا حلم الصبا

من أنت ياحلم الصبا.......... من أنت يا أمل الشباب
من انت يا من رحت أنشده .... ولكن لا اجــــاب
أرنو لصورتك الحبيبة بين اطياف الضباب
في الارض , في النهار , في الشفق المنور , في السحاب
وأحسها في خاطري ... نورا تدفق في انسياب
بالسحر........ بالآمال ......... بالآنغام... بالعطر المذاب
بالورد ...... بالأزهار ..... بالكأس المتوج بالحباب
****
من وحي أوهامي خلقتك رغم آلام الحياة
ياصورة الحلم الذي قد شع في قلبي سناه
ياومضة الأمل الذي قد عشت عمري في رجاة
شفتاك من ورق الورود ... وآه من تلك الشفاه
عيناك يكمن فيهما ليل تسربل من دجاة
خداك من شفق المغيب .... و آه من خديك آه
****
أبدا اسير مخيرا بين الروابي ... والبطاح
ويكاد يحرقني الظمأ وتكاد تسحقني الرياح
حتي متي ابقي علي الدرب الطويل بلا مراح
من أنت ياحلم الصبا ؟ من أنت يانور الصباح ؟

28/ يا صوتها

آه
يا صوتها ..
لما سرى لما ...
مثل الحريرِ نعومةً
ونداوةً .. وتكسُّرا
مثل الصباحِ
طلاقةً .. ورشاقةً وتبختُرا ..
وتدفقت كلماتها ..
عطراً ندياً عنبرا
وهما حنينا حالما
وشذاً يضوع تخضّرا
يا صوتها لما ... لما سرى لما
يا صوتها ...
يا روعةً ..
لحناً سماوياً سرى
ماذا الكنارُ مُغرّدا
والنايُ ناح تحسرا
والعندليبُ اذا حكى
لحناً تفجّر ابحرا
ماذا يكونُ وصوتها
صوت السماءِ من الثرى

29/ يا عندية
يا عندية ..يا عنديا
هاكي الأحلام زهرة ندية
والقلب كمان ليك هدية
يا حلوة و كلك حيوية
من صدك خلينا شوية
يا سمارا كل الجارا
ذوبتي لهليبا ونارا
ذوتبني قلوبنا المكوية

بسماتك فيها الحنية
كلامك رائع يا صبية
بسماتك فيها الحنية
دلادك رائع يا بنية
عيونك سحر
وكلامك شعر
قوامك وحيات عينيا
زي البانا في السعنية

لو كان القمرا في أيديا
أخليها لعينيك مراية
أخليها لشعرك ضواية
أخليها لقلبك دفاية

30/ طلي مرة
طلي مرة وتاني غيبي
وزيدي شعرك نار ليهيبي
اصلي ما بحمل غيابك
وما بقول لي زول حبيبي

انتي املي وسر حياتي
أنتي أجمل أغنياتي
أنت حسن الكون دا كله
انتي روحي واهتزازي

يا جميل عاودنا مرة
وليه غيابك أستمر
طول غيابك حار علينا
ومن لهيب النار احر

رايقة حلوة وكمان رزينة
وبوراك كم شقينا
سيدي من هلك علينا
وكان بسرك كم عذبينا

لما نغلط تاني حينا
بجنانك تاني جينا
أحنا راضين بقدرنا
ونرضى بالمكتوب علينا

الله كتر من سماحة
وزادك أنتي كمان سماحة
شمعة تضوي وسط زمايلك
والله خلقك لينا واحة

31/ البوادي

حبيبي يا ساكن البوادي
حبيبي يا ساكن البوادي
وشلت النوم من عيني
أنا كيف رقادي ..

حبيبي ليه هاجرني مالك
كيف لا أخطر ببالك
أقول يا ريت الجاني جالك
وقطع قلبك زي ما قلبي صادي
حبيبي ساكن البوادي ..

حبيبي يا زهر الأقاحي
حبيبي يا النايم وصاحي
يا الشايل النوم من عيني
ومكتر سهادي انا كيف رقادي
وشلت النوم من عيني أنا كيف رقادي

حبيبي كترت المظالم
حبيبي يالنايم وحالم
يا الشايل النوم من عيني
ومكتر سهادي أنا كيف رقادي
وشلت النوم من عيني أنا كيف رقادي

32/ أزيكم

أزبكم كيفنكم أنا لي زمان ما شفتكم
مشتاق كتير كتير مشتاق كتير لحكيم
أزيكم كيفنم انا لي زمان ما شفتكم
و فرحتي بعوتي وفرحتي بعودتي
يا فرحتي بعودتي أجد الهنا في قربكم
يوم شفتكم يوم شفتكم شفت السرور
يوم شفتكم شفت السرور انا قلبي قال أزيم
أزيكم كيفكم أنا لي زمان ما شفتكم
كيفنكم بعد بكاي كيفنكم بعد بكاي أزيكم بعد بكاي
ياناس كفاي كفاي أنا بفارق حيكم أزيكم كيفنكم
أزيكم كيفكم أنا لي زمان ما شفتكم
يا ناس حرام ياناس حرام حرام حارم
ياناس حرام حراااام انا ما غريب انا منكم
ازيكم كيفنكم انا لي زمان ما شفتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamizka.ahlamontada.net
 

مكتبة أغاني سيد خليفة

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» مكتبة أفلام الفنان الرائع سعيد صالح نسخ DSR - DVDRip مكونة من 15 فيلم مضغوط نسخ RMVB و نسخ أصلية AVI

صلاحيات هذا المنتدى:لاتستطيع الرد على المواضيع في هذا المنتدى
احلى مزيكا :: أقسام المنتدى :: قسم كلمات الأغاني السودانية-