احلى مزيكا

موقع ومنتديات تهمتم بالموسيقى وجميع الأغاني السوادنية والتراث وجميع الأغاني العربية وجميع الأغاني الأجنبية والأخبار الفنية
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 مكتبة كلمات أحمد المصطفى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 40
تاريخ التسجيل : 01/04/2009

مُساهمةموضوع: مكتبة كلمات أحمد المصطفى   الجمعة أبريل 03, 2009 4:13 am

1/ نحن في السودان

نحن في السودان
نهوى اوطانا

وان حلنا بعيد

نطرى خلانا

نطرى جلساتنا

في ضفاف النيل

والسواقي تدور في سكون الليل

القماري تعيد لحن كالتنزيل

والوتر يشدو والطبيعه تشيل

النغم مفرح والحبيبه تميل

توحي الحانا

نطرى نجوانا وحبنا العذري

والوفاء معروف فينا من بدري

تلقاه فوق امدر في ربوع بحري

العواطف دين والجمال فطري

تلك اوطانا وحبها الخالد

يجري في دمانا


2/ فارق لا تلم

فارق لا تلم
أنا أهوى الألم
ما أول حبيب
ولا آخر ظلم

بعشق فيك عفاف
وأبعد لا تخاف
إن طال المطاف
تحين للقاك ظروف
ألقاك وانسجم
واسكب دمعي دم
حبّك لي جسارة
وحبي ليك قسم

غداً أنا أسعى ليك
أحنّ وأسأل عليك
حبيبي أراك مليك
قليبي الصار لديك
حلفت عليك قسم
تفارق لا تلم
هجرك لي هلكني
وقربك فيهو سم

جميل قاطع جمال
لكن مانع الوصال
حليل القلبو مال
وهام في خيال خيال
وجرحو الما إلتئم
وهم صار ليهو هم
منعت علي دواك
وكم صارعت كم


3/ ياعظيم

يا عظيم .. يا عظيم
أنت في القلب مقيم
وبآلامي عليم
فنسيم الصبح ينبيك
بوجدي المستديم
وغرامي
يا عظيم

أنت ما أنت سوى
مكسب الروح الجوى
لست تدري ما الهوى
تائهاً فوق الأديم
أنت سامي
يا عظيم

أنت يا معنى الشعور
أنت نار .. أنت نور
أنت أخجلت البدور
أنت ذو ذوق سليم
يا مرامي
يا عظيم

أنت مخلوق غريب
منك دائي يا طبيب
هل لشكواي تجيب
تنقذ القلب الكليم
فهو دامي
يا عظيم

أنت ذو طرف كحيل
أنت ذو خصر نحيل
هل لقائي مستحيل
كن شفيقاً .. كن حليم
باهتمامي
يا عظيم

أنت لي وحدي أنا
منك قاسيت الضنى
أنت أملي والمنى
لك حبّـي المستديم
وغرامي
يا عظيم

حكمتي لو كلّـمتني
أو بسهم العين رمتني
راضي لو كان آلمتني
يصمت الواشي اللئيم
من ملامي
يا عظيم

4/ أشكي وأبكي لمين

اشكي وابكي لمين
انا قلبي ديمة حنين

يا الناعسة عينيكي
يا النايرة خديكي
دمي العزيز ليكي
بحياتي أفديكي

في قلبي ليل وصباح
أنا ما هويت إلاك
كلما البليبل صاح
هاجت علي ذكراك

فارقني بي ليلو
خلاني أشكي البين
حبيبي يا حليلو
انا ليّ منّو سنين

ما ذنبي قول ليّ
ترميني بالآلام
أنا باكية عينيّ
على مدى الأيام

الحب حرق قلبي
بي نارو يا هاجر
الحاء حرق قافي
بي نورو يا هاجر
كلما يفوت آلام
انا في هواك ساهر

يا عاشقين الغيد
الحب دا جرّبتو
كيفن بتنسوهو
لو مرّة فارقتو

أشكي وأبكي لمين
أنا قلبي ديمة حزين
طال الفراق لمتين
نتقابل الإتنين
نشرح هوى الوجدين
واحكيلك مُرّ البين
بحبّك ليّ سنين
ورده وشذاك ياسمين


4/ احتار خيالى

احتار خيالى واحتر مالى
صعبان على بعادو وصعبان على وصالى
النار النار يا روحى خلى الدلال داوى جروحى
ودعنى سافر سهد عيونى
نصحونى انسى واترك شجونى
لو كان هواى عرفوه ماكان يوم لامونى
وهبتو عمرى بالروح فدانى
علمنى حبو اسمى المعانى
نور على دنيا نسانى كل احزانى
بتمنى يسعد لوكان فى بعدى
واشوف هناهو وسيبنى وحدى
هناه هو هناى وسعادتو اغلى ما عندى
منعوك وصالى هم مالم ومالى
يا حليل امالك وامالى


5/ حاولت أنساك
حاولت أنساك
وقلبي زاد في جروحو
ورّيني كيف
الحي بودّع روحو

******

وريني كيف أنساك
أنا حرت في أمري
سجّلت ليك حبّي
ووهبت ليك عمري
أقضي الليالي أنوح
أسامر الأنجم
واسجع مع القمري

******

شغلت أفكاري
يا حالم احلامي
في مسرح ك يا ليل
مثّلت أفلامي
جود يا سمير الروح
بي نظرة لا تظلمني
خفّف لآلامي

******

يا ساحر النظرات
عطفك على الولهان
حطّمت آمالي
دون ذنب يا دا الآن
أنا برضي ألهى بيك
والحب يزيد تشديد
وفراقي ليك كيف هان

******

ما بتدري بي عذري
أنا عمري ليك باذل
ما بخشى فيكا رقيب
ما بهمّني العازل
أقسم بوجناتك
أنا ما ببادل بيك
مهما تكون هازل



6/ رحماك يا ملاك

رحماك يا ملاك
بهاكا ملكني
أقول أهواك
وهواكا هلكني

هلكني وملكني وجنّني
شكواك وغناك
دنايا وأنسي
خلاّني جفاك
لبكايا وبؤسي

هلكني وملكني وجنّني

******

لاهيك صباك
بالبيّ ما داري
شاغلني هواك
كم ليهو أداري

هلكني وملكني وجنّني

******

برجاك برجاك
لمتين تنساني
كفاك كفاك
دمعي وحرماني

هلكني وملكني وجنّني

******

حسنك قسّاك
قسّاكا عليّ
بعدك نسّاك
نسّاك البيّ

هلكني وملكني وجنّني


7/ يلاك يا عصفور

يلاك يا عصفوري نغني ليهو
أنا لي حبيب مغرم وبخاف عليهو

*******

يلاّك يا عصفور نغشى الخمايل
علشان أشوف حبي كالبانة مايل
راد قربو منّك
واحكيلو عنك
وغرّد بفنّك
إن شاء الله يسمع منك ولي يجامل

*******

يلاّك يا عصفور ننظر جمالو
أنا في يمينو أكون وانت ف شمالو
قول حكّم الأوصاف
انا من عيونو بخاف
الناضر اللطّاف
إن شاء الله حبّي يدوم ويدوم هناهو

*******

يلاّك يا عصفور نطرب ملاكي
الخمري في لونو والخدّو زاهر
راد قربو منّك
واحكيلو عنك
وغرّد بفنّك
إن شاء الله يسمع منك ولي يجامل

******

يلاّك يا عصفور نطرب ملاكي
الخمري في لونو والخدّو زاهر
دي بنت المدارس
ولي هواها عارف
بحكيلا أشعاري وطوّلت شاكي



8/ النار النار ياروحي

النار النار يار وحي
خلّي الدلا داوي جروحي

******

احتار خيالي
واحترت مالي
صعبان علي بعادو
وصعبان عليهو وصالي

******

ودعني سافر
سهر عيوني
نصحوني أنسى
واترك شجوني
لو كان هواي عرفوهو
ما كانوا هم لاموني

******

وهبتو عمري
بالروح فداني
علمني حبّو
أسمى المعاني
نوّر علي دنياني
نسّاني كلّ أحزاني


منعوك وصالي
هم مالم ومالي
يا حليل آمالي وآمالي
إنتي الوحيدة الفي بالي

*******

فيك روح جميلة
سامية وأصيلة
علشان مسالم يا روحي
ابحث تمهل لليلة

*******

بتمنّى يسعد
لو كان ببعدي
ويشوف هناهو
ويسيبني وحدي
هناهو هوّ هناي
وسعادتو أغلى ما عندي

9/ جفيت ما بنت

جفيت ما بنتا
وأبيت ما لنتا
همّي ومنايا
وما ليّ غاية
غير شوفتك انتا

******

نسيت هوايا
وحبي ووفايا
يرضيك أسايا
ودمعي وبكايا
يا قاسي إنتا

******

بغير عليكا
وبالروح أفديكا
هنايا بيكا
وغنايا ليكا
بس ليكا إنتا

******

بألمنا ميلي
ويا دمعة سيلي
طال بيّ ليلي
واحتار دليلي
من طبعك انتا

******

ما ليّ سواكا
ولمتين أراكا
أسعد معاكا
واسمع غناكا
تطربني إنتا

******

أهواك يا روحي
وبرجاك ياروحي
تآنس روحي
وتزيل جروحي
وتشفيني إنتا



10/ وطن النجوم

وطن النجوم أنا هنا حدّق أتذكر من أنا

ألمحت في الماضي البعيد فتى غريراً أرعنا

جذلان يمرح في حقولك كالنسيم مدندنا

ألمقتني المملوك ملعبة و غير المقتنى !

يتسلق الأشجار لا ضجراً يحس ولا ونى

ويعود بالأغصان يبريها سيوفاً أو قنا

ويخوض في وحل الشتا متهللاً متيمنا

لا يتقي شر العيون ولا يخاف الألسنا

ولكم تشيطن كي يقول الناس عنه تشيطنا

أنا ذلك الولد الذي دنياه كانت ها هنا

أنا من مياهك قطرة فاضت جداول من سنا

أنا من ترابك ذرة ماجت مواكب من منى

أنا من طيورك بلبل غنى بمجدك فاغتنى

حمل الطلاقة والبشاشة من ربوعك للدنى

كم عانقت روحي رباك وصفقت في المنحنى

للأرز يهزأ بالرياح وبالدهور وبالقنا

للبحر ينشره بنوك وحضارة وتمدنا

لليل فيك مصلياً للصبح فيك مؤذنا

للشمس تبطئ في وداع ذراك كيلا تحزنا

للبدر في نيسان يكحّل بالضياء الأعينا

فيذوب في حدق المها سحراً لطيفاً لينا

للحقل يرتجل الروائع زنبقاً أو سوسنا

للعشب أثقله الندى للغصن أثقله الجنى

عاش الجمال متشرداً في الأرض ينشد مسكنا

حتى انكشف له فألقى رحله وتوطنا

واستعرض الفن الجبال فكنت أنت الأحسنا

ومرارة الفقر المذّل بلى ولذّات الغنى

لكنه مهما سلا هيهات يسلو الموطنا


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamizka.ahlamontada.net
Admin
Admin


المساهمات : 40
تاريخ التسجيل : 01/04/2009

مُساهمةموضوع: رد: مكتبة كلمات أحمد المصطفى   الجمعة أبريل 03, 2009 4:19 am

11/ فتاة الوطن

يا فتاة الوطن يا خير البلاد
أنيري الوطن بنور الرشاد

******

وانشري العدل وسيري للأمام
إنّما العدل بشيرٌ للسلام

واظهري الحق نصير لمن
وارعي شعباً يباهي الأمم

******

أنت بنت النور يا رمز الحيا
أنت للأخلاق والعلم سلاح
وانشري نور الهدى حتى ترا
بعد هذا الليل إشراق الصباح
ساهمي بالعلم في نشر الهدى
علمي أختك ما معنى الحياء
إنها بالجهل أمست في عمى

*******

انزعي عنك خرافات البشر
بعقول الناس حتى جمدوا
واحملي المشعل وامشي للعلا
وأغيثي من ظلام القبر قوم ألحدوا

*******

رتبي الميت بترتيب جميل
واجعلي منه لنا ظلاً ظليل
أنت إن شئت تداني المستحيل
وسما العيش وعادانا الخمول

*******

أنت من طفلة تسري أمة
هي تدعو فتى المستقبل
فيه آمال وعونٌ للبلاد
حققي بالله كل الأمل

*******

أنت نور ومنار للطريق
أنت في الدنيا لنا نعم الرفيق
استكان الناس للنوم العميق
فابعثي شعب انزوى سوف يفيق

*******

أيها الداعي لقد جئنا إليك
هذه أرواحنا وقف عليك
نحن آمنّا بما قلت لنا
سوف نبذل جهدنا قربى لديك



12/ حياتي حياتى

حياتي حياتي
أحبك أنتِ كحبي لذاتي

أحبك أنتِ لحبك أنتِ
معاني الحياة

******

سكلتي طريق .. طريق محفوف
بكلّ محب وكلّ عطوف
نبذت الضيق نزعت الخوف
وقلتي نسير .. نسير ما نقيف
وقلتي ما دام في الدنيا حبّ
وعاطفة عميقة في روحنا تدب
وإيد في إيد .. وقلب جنب قلب
ليه ما نسعد وليه ما نحب
الدرب السالكاهو
والقلب المالكاهو
هم قلبي ودربي
وحبك إياهو
بطراهو وبرعاهو
آه لو ترعي حبي

*******

نحن السعادة أحبابا
ونحن الموّدة طلاّبا
والجنّة الليها نتشابى
باكر ندق علي بابا
ندق وندق وندق ..
والجنة تجيب
لأملنا نشق ..
إن شاء الله قريب
وتهلل علينا
في قلوبنا الحزينة
بشاير السنين
بي غمرة هنانا
تتشابك إيدينا
يسار في يمين


13/ ياحبيبه المينى

يا حبيبة ألمّيني
بالريدة كلّميني

******

يا حبيبة بي كل صراح
من نظرتك أنا عقلي راح
فيك بعشق الانشراح
وشفا قلبي بعد الجراح

يا السادة ألميني

******

بسمت زهور الرمال
مزجت نسيم الشمال
أتنّى بي ثمارو مال
يا جميل يا رمز الجمال

يا السادة ألميني

******

يا سميري شوف صقلتا
مع فدعتا ونقلتا
في الوقفة شوف وقلتا
وأحذر سهام مقلتا

يا السادة ألميني

******

شادن ربيب البطر
في فؤادي ريدو انفطر
أغراهو صوت الوتر
يا لطيف بقيت في خطر

******

يا نسيم من شذاهوجيب
ريد الحبيب العجيب
خليك يا نسيم نجيب
وقبل الحبيب إنحجب


14/ شغل بالى

القربو يحنّن
والبعدو يجنّن
الهيّن وليّن
وديع وحنيّن
شغل بالي

******

سحرني جمالو
أسرني دلالو
لاح ليّ خيالو
الرايق بالو

شغل بالي

*****

ماشي أزورو
القلبي بدورو
وآه من نارو
وآه من نورو

شغل بالي

*****

يميل ويتنّى
وحسنو فتنّا
دا ناعسو كتلنا
كتلنا كتلنا

شغل بالي

*****

هنايا معاهو
يا ريت ألقاهو
ألقاهو براهو
براهو براهو

شغل بالي

*****

هواهو هوايا
وشوفتو منايا
جميل بس آية
حكايتو حكاية

شغل بالي


15/ حرام يا ناس

حرام يا زازا تزيدي البيّ
وهبتك روحي ونور عينيّ
هوايا إليكي ونارك ليّ
حانّي عليكي خافي عليّ

حرام يا ناس .. حرام يا ناس

******

ليه يا زازا تزيدي أنيني
جنيتي قلبي بينك وبيني
أكابد وجدي واداري حنيني
بخفقة قلبي ودمعة عيني

حرام يا ناس .. حرام يا ناس

******

عرفت الحب وعرفت صعاب
وضقت نعيم وضقت عذاب
شفتا هناء وشفت سراب
تركني صريع وقلبي مصاب

صريع يا ناس .. حرام يا ناس

******

شاكي صباحي وباكي مسايا
شربت المرّ شربتو برايا
متين يا زازا تجود دنيايا
ألقي مناي وأنسى أسايا

متين يا ناس .. متين يا ناس

******

ليالي جميلة كأحلى نغم
يا ريت لو دامت ودهري بسم
لكن يا زازا السعد قسم
ظروفنا أبت زمانّا حكم

حكم يا ناس .. حرام يا ناس



16 ظالمني

ظالمني وطول عمري
ما ظلمتك يوم
وتلومني يا قاسي
وكان حقي ألوم

بي عيونك .. وخدودك
والثغر الضحّاك
تجرحني يا ظالم
لو ترحم جرحاك
حبيتك
أريتني ما كنت حبيت
كم ضقت في حبك
نار هجرك ورويت
آلامي يا روحي
وجروحي مسامحاك
الظالم في عرفك
يا جاير مظلوم
تهجرني وتجرحني
تظلمني وتخون

وين .. وين .. وين

وين حلمك يحميني
من ظلمك وتلين
وين .. وين .. وين
وين عطفك يا قاسي
وين لطفك وين

وين .. وين .. وين

أنا طامع في وجود
أنا حافظ لعهودك
إيه ذنبي ما خنتك
وتركتك لسواك

ليه .. ليه .. ليه

ليه تنثر ما بيني
وما بينك أشواك
ليه تحرم يا روحي
من رؤياك العين

ليه .. ليه .. ليه

ليه تجعل من حلمي
أوهام وظنون
تظلمني وطول عمري
ما ظلمتك يوم



17/ ياهواى انا

يا هواي انا انا
يا ضناي الليلة

******

الحبّو مالينا
وفي اجسامنا بالينا
يا قمرة دلّينا
ويا عواطفو سلّينا

ياهواي انا انا
يا ضناي الليلة

******

عيوني سيبي البكا
انا قلبي داب واشتكى
زهر الربيع بسم
في رمالو مال وانتكى

ياهواي انا انا
يا ضناي الليلة

******

النغمات حنانا
حورية في جنانا
سهاما تفنانا
الدرّ أسنانا
وستمية فنّانة

ياهواي انا انا
يا ضناي الليلة

******

الظبية الشريدة
زجاج الروم وريدا
يا صديق بريدا
الختمت كل ريدة

ياهواي انا انا
يا ضناي الليلة

******

أنا روحي مي سليمة
يا ملكتي في ليما
يا الفطرة تعليما
رابع المحال ليما

ياهواي انا انا
يا ضناي الليلة

******

فوق النار قعودي
وين اوجد سعودي
ستمية وعودي
معاك فشلت وعودي

ياهواي انا انا
يا ضناي الليلة

******

الحبّو هبّلنا
وفي سجونو طابلنا
في السينما قابلنا
وبي سهامو نبّلنا

ياهواي انا انا
يا ضناي الليلة

18/ فى الخيال مره

في الخيال مرّة شفتو ناداني
من بعيد لوّح لي وحيّاني
يا غرام قلبي ويا نعيم عمري
أجمل أيّامي واسعد أحلامي
يوم تعود تاني يوم تعود تاني

******

لحظة في قربو
كانت أحلامي
عشت في حبّو
كل أيامي
حتى لو فكّر
مرّة إتنكّر
من بعيد لي بعيد
حبّي ليهو يزيد
لو تناساني

******

مرت الأيّام
عمرو ما اتكلم
حتى ما حاول
مرّ أو كلّم
ورغم آلامي
وظلم أيّامي
سابني في بعدي
في الألم وحدي
ورغم حرماني

*******

من حنان قلبي
حبّو برويهو
أغلى من عمري
بي روحي أفديهو
أغلى من عينيّ
حبّو غالي عليّ
يا عوازلي الليلة
بس قسيتو عليّ
وقلتو جافاني


19/ انتا مالك ومالى

إنتا مالك ومالي
سيبني بس في حالي

******

مفتون زمان بي جمالك
واحن دوام لي وصالك
تسوق عليّ دلالك
وانت عارف حالي

إنت مالك ومالي
سيبني بس في حالي

******

ورغم أنّي جوارك
والدار قريب لي دارك
يصعب عليّ مزارك
لا يوم تحنّ لسؤالي

إنت مالك ومالي
سيبني بس في حالي

******

عيوني باكية عليّ
من الشجن والبيّ
قول ليّ بس قول ليّ
أعملك إيه يا غزالي

إنت مالك ومالي
سيبني بس في حالي

******

الناس كتير كم قالت
والدمعة كم كم سالت
عواطفك انت ما مالت
لا يوم عرفت وصالي

إنت مالك ومالي
سيبني بس في حالي

******

لو مرّة بس يا سالي
لو مرّة بس تصفالي
كان العذاب يحلالي
وحنانك يروي آمالي

إنت مالك ومالي
سيبني بس في حالي

******

البعدو نار في نار
والشوق دا نار النار
هواكا نار يا ناري
كان مالك انت ومالي

إنت مالك ومالي
سيبني بس في حالي


20/ ياغايبه عن العين

بكت نجوم الليل
سهرانة ترنو إليّ
تهدا ودموعا تسيل
حزنانة من البيّ
أكاد أشوفا تميل
تكفكف دموع عينيّ
ما ليّ غيرا دليل
عاطف وحانّي عليّ

*****

يا غايبة من العين
وصورتك في الفؤاد طاويها
رغم الفراق والبين
ذكراك دوام طاريها
قصة غرام قلبين
لي أهل الغرام برويها
صابت هواهم عين
كان القدر كافيها

******

بعد السرور حفّاهم
إتبّدل هناهم همّ
بعد السعد وافاهم
نزفت عيونم دمّ
ورغم الزمان أصلاهم
من اللهيب وحرم
لا زال الأمل سلواهم
كم بيهو عاشو وكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamizka.ahlamontada.net
Admin
Admin


المساهمات : 40
تاريخ التسجيل : 01/04/2009

مُساهمةموضوع: رد: مكتبة كلمات أحمد المصطفى   الجمعة أبريل 03, 2009 4:23 am


21/ حبيب الروح

وين يا ناس حبيب الروح
وين يا ناس قلبي المجروح

******

الزهر فاح
والبدر لاح
ذكرّني حبّي
وعقلي الراح

وين يا ناس حبيب الروح
وين يا ناس قلبي المجروح

******

بكيت وشكيت
شكيت وبكيت
بحثت .. سألت
وما خلّيت

وين يا ناس حبيب الروح
وين يا ناس قلبي المجروح

******

بي شوق وحنين
وهمّ وأنين
قالوا إتصبّر
بس لمتين

وين يا ناس حبيب الروح
وين يا ناس قلبي المجروح

******

بي صد وعجن
زاد البيّ
صاحباتا أبن يقولن ليّ

وين يا ناس حبيب الروح
وين يا ناس قلبي المجروح

******

وحيد مفتون
ما تحنّوا عليّ
شهودي دموع
دموع عينيّ

وين يا ناس حبيب الروح
وين يا ناس قلبي المجروح

******

بسماتا دنيا
وكلاما غنية
سألت الله
ليّ منية
يجيني يا ناس حبيب الروح
وين يا ناس قلبي المجروح

******

صوتو شجاني
وسحرو سباني
حبايبو كتار
وما حبّاني

وين يا ناس حبيب الروح
وين يا ناس قلبي المجروح

******

جمال وكمال
وتيه ودلال
منايا أشوفو
ويروق البال

وين يا ناس حبيب الروح
وين يا ناس قلبي المجروح


22/ الليله ماجانى

الليلة ما جاني
سافر منّي خلاّني

*******

يا ناس خلاص جنيت
وقفلت باب الريد
سافر شقيق روحي
المن حبّو ما استغنيت

*******

لمتين يعود ليّ
الخدودو وردية
انا قلبي قال ليّ
نار الغرام حيّة

*******

دايماً أغنّيـــــــلا
الفريدة في جيلا
إن شاء الله يا عديلة
تمشي وتجي تاني

*******

يا قمرة ناجيني
ويا نجمة ودّيني
حبيب وعدتّو أجيو
قال ليّّ بجيك تاني

*******

سايق عليكي هواك
وفي الآخرة بستنّاك
قال ليّ ما بقدر
دنيا وآخرة عايشة معاك

*******

لمّا الحبيب جاني
واحيالي شرياني
حلفتو بالتأكيد
قليبو شرياني


23/ في سكون الليل

في سكون الليل
دعنا نجتلي الصمت الرهيب
إنّ في جنبيّ معنى
فوق إدراكي عجيب
لست أعبا .. لست أُعنى
طالما كنت الحبيب
فانطلق يا روحي إنّا
قد نزعنا القيد عنّا

******

ها هي الأضواء رفّت
والدجى أصغى إلينا
والمنى في القلب رفّت
واستقرّت في يدينا
والذي عيناك أخفت
قد بدا لمّا التقينا
فاحتسينا .. وانتشنا ..
ما علينا .. ما علينا

******

ثم عدنا .. وانصرفنا
كلّنا يمشي وحيدا
باكياً قلباً وجفنا
خائفاً ألاّ يعودا
فافترقنا ما عرفنا
ما دها هذا الوجودا
أين منّا الأمس أينا ؟
والمنى والحبّ أينا ؟


24/ صادفنى الحبيب


صادفني الحبيب
بي حشمة سالمني
تركتني أميل ثملان
وليهو قلبي سلّمتو

******

بي سهامو ألّمني
وأبا ما يكلّمني
وفي هواهو ظالمني
وأنا برضي ما لمتو

لأني .. لأني سالمتو

******

في ردودو في قلبي
وطهرو المنزّهني
واجهتو واجهني
وبي عواطفي كلّمتو

لأني .. لأني سالمتو

******

بي ضميرو كاشفني
وهدم أملي نشفني
ساب عمري كاد يفني
وأنا مغمى ما علمتو

لأني .. لأني سالمتو

******

أنا ريدو بادلني
وهو العطفة بادلني
لكنّو بهدلني
قال لي حظك وقسمتو

لأني .. لأني سالمتو





25/ بنت النيــل

يا بنت النيل .. النيل
أحبّ النيل يا جميل
******
ظبية المسالمة
وفي الخمايل حالمة
وفيك يا ظالمة
يا ظالمة يا ظالمة
******
تجرحني ليه
وانا كلّي جراح
لابد يوم ألقاك وارتاح
******
آه .. أنا من عيونو الساحرة
آه .. أنا من ضفايرو السادلة
يتعبني تعب شديد
لو حلحلا
******
ليك من سحر الجنوب قسماتو
ومن طيب زهر الشمال نسماتو
أحبّو واحب نوناتو
نوناتو الفي وجناتو
أحبّو واحب تقديرو
أحب رمّان صديرو
وسيف لحظو حين ما يديرو
أموت ما بعشق غيرو
******
المسخت الأعذار
في خدرها قلبي دارا
أريدا واريد هظارا
يا ناس حلاة بني بارا
******
قال ليّ صديق خلّيني
صبح الغرام باليني
قت ليهو دا مواليني
وهو المن زمان قاليني
فقدنا الصواب يا شبابنا
يا ابو عبدة وين احبابنا
لو متنا هم أسبابنا
العودة يا أربابنا


26/ حبيبي نور في نار
حبيبة نور في نار
والنور مقسّيها
احتارت الأفكار
تفهم معانيها

******

الزايدة في تيها
واهب هواي ليها
دايماً عليّ محتار
ما قادر أرضيها

******

فيها الجمال أسرار
بي نورو كاسيها
كم حيّـرت أنظار
بي حسنها الفيها

******

في روعة الأزهار
جذّابة عينيها
زان الخدود أنوار
يا ربّي تحميها

******

نعمة هواي اشعار
عيونا توحيها
على نغمة الأوتار
يا قلبي غنّـــيها

******

عيونا عسلية
وخدودا وردية
الغرام ليكي
والعذاب لي
أرحمي شويّة
وأعطفي عليّ

******

معنى الحياة سلوى
فيها الحياة حلوة
وفي وحيداً ليك
أنا قلت فيه غنوة

******

العزول غيران
من غرام سلوى
والفؤاد حيران
داير السلوى


27/ يا رائع

يا رائع

جفيتني وأنا ضايع

تعال ليّ

******

الخدّو لال .. تعال ليّ
دقائق قلال .. تعال ليّ
معنى الدلال .. تعال ليّ
والحب حلال .. تعال ليّ

******

ناير الخدود .. تعال ليّ
سيب الصدود .. تعال ليّ
خلّيك ودود .. تعال ليّ
بجيك في الحدود .. تعال ليّ

******

الما شاف صروح .. تعال ليّ
أشفي الجروح .. تعال ليّ
أنا ليّ روح .. تعال ليّ
قبّـــال تروح .. تعال ليّ

******

منعني الجوى .. تعال ليّ
وشوفتك دوا .. تعال ليّ
عارف الهوى .. تعال ليّ
الأرواح سوا .. تعال ليّ

******

الفي الشروق .. تعال ليّ
أنا ما بروق .. تعال ليّ
أنا ما بروق .. تعال ليّ
وبس من بروق .. تعال ليّ

******

يا مزدهر .. تعال ليّ
زينة الدهر .. تعال ليّ
في شاطي النهر .. تعال ليّ
نعدّي البحر .. تعال ليّ

******

ظبي الحقول .. تعال ليّ
وسوّي الأصول .. تعال ليّ
زين الفصول .. تعال ليّ
يا الزرتا الرسول .. تعال ليّ

28/ الوسيم

الوسيم القلبي رادو
الجمال حاز انفرادو
مالو لو مرّة افتكرني
مالو لو أنجز ميعادو

******

ليه نساني .. أو تناسى
لاهو جامل لاهو آسى
وقلبي بي التعذيب أبادو
منّي شالو وما أعادو

******

شفتو كان في توب حدادو
وكل حواسي عليهو نادو
استجاب لي نداي وجاوب
كان عواطف وكان تجاوب
عزّ من بعدو التلاقي
رغم قربو واشتياقي
طرفي متزايد سهادو
وخلي جافا الرقاد مهادو

*******

إيه يكون في نظري زادو
غير خصالو واعتدادو
مهما يجفو في قربو أطمع
ما بطيق لي غيرو أسمع

أسألوهو إذا تبسّم
واتركوهو إذا تألّـم
واجبي حتّــم أصون ودادو
مهما زاد صدّوا وعنادو

29/ ياظبية سارحه وين
يا ظبية سارحة وين
في الوديان مع الغزلان

******

من دار لي دار
في ضلوعي النار
وفي الوجدان

يا ظبية سارحة وين
في الوديان مع الغزلان

******

إن شفت جميل
أحنّ وأميل
واقول إمكن ألاقي حنان

يا ظبية سارحة وين
في الوديان مع الغزلان

******

أقيف واسأل
واقول يا ناس
بتشبه وردة في أغصان

يا ظبية سارحة وين
في الوديان مع الغزلان

******

شعر كالليل
عيونا الريل
جمالا أصيل
حديثا هديل
خطاها فيض من الألحان

يا ظبية سارحة وين
في الوديان مع الغزلان

******

شبيها قليل
دي زينة الجيل
عفاف ودلال
وطبع نبيل
وقلبها كلّو حب وحنان

يا ظبية سارحة وين
في الوديان مع الغزلان

******

وردّ الناس
دوام مقصود
أتاري الناس
عزول وحسود
وانتي الزينة واضحة عيان

يا ظبية سارحة وين
في الوديان مع الغزلان

30/ عيوني هم السبب في أذاي

عيوني هم السبب في أذاي وهم العيوني
**
عشقت أزاهر وبقت تساهر
تشاهد غرائب وتتفقد حبايب
سحروها وجفوني
**
عشقو التغزل وبقو في تزلزل منحوني بالذل
محجب في خدورو
كل الناس تدورو
لاعب بي دورو
جميل فتان حنوني
**
عيوني عيون الغزال عزبوها البكا
والدموع هميلا والمعاني الزكا
إنت يا غزال ما اقصاك البكا
جفاك وصدك أمرضوني
عوازلي بحبك مارضوني
سهام نعساتك عارضوني
عيوني هم السبب في أذاي وهم العيوني

31/ سفري سبب اذاي
سفرى السبب لى اذاى
بطرى اللي آمال و غاية
و ما بتحمي المقدور وقاية يسلم نهجي من الرماية
***************************************
سفري السبب لي اذايا فرقة و فقدان هنايا
بطرى حبيب املي و منايا و ابكي على هذي النهاية
و ببكي على تهديم بنايا ليت حبيبي علي ناح
*************************************
فيييك يا مصر اسباب اذايا و في السودان همي و عزايا
صابر و لم اعلم جزايا و التأويه اصبح غذايا
صرت مسلم لي ردايا زي طاير مكسور جناح
*************************************
دهري ان صابني بكل خفايا و حطم و عكر لي صفايا
برضي على حبي و وفايا و اعلم في وجودك شفايا
شي من لا شي بس كفايا علو بمسّك اجد نصاح
************************************
ماذا اؤمل .....ماذا اؤمل
ماذا اؤمل حيران ببكي و بامل
ولهان ببكي و بامل وحيد ببكي و بامل
آآآآآهــــ يا هوايا و آآآآآآآآآهــــــ يا منايا
وحيد سهران برايا انيس دمعي و بكايا
آآآآآآهــــ يا كناري و آآآآهــــــــ يا قماري
طيري لي تعالي وحيد ليلي و نهاري

32/ طار قلبي

و طار قلبي مني و قال ماهو عايد

ما دام مفارق اللي أرواحنا سايد

طار قلبي ....

يا قلبي تعذيبك ماهو فايد

و أصبر عسى المحبوب يبقى جايد طار قلبي

قال لي كيف أصبر و أنا جمري زايد

و كيف أنسى الغصن المن طبعو مايل

طار قلبي...

إذاً الوداع يا قلبي و حبيبي

و أهلاً ضناي الحير طبيبي

طار قلبي

فارقني حبي إرتاح يا رقيبي

و يا نجوم سعودي إتلاشي غيبي

طار قلبي....

دي المن دلالا دايماً وجولة

قاسية و طموحة نافرة و خجلوة

طار قلبي

شكت الألم من لمسات حجولا

و ليه لي بعاد الأيام عجولة

طار قلبي...

ضاعت قلوبنا الخلان نعوها

و أسباب حزنا ليه ما وعوها

طار قلبي

و قلوبنا بالصد لا تدعوها

و مو تقول وداع

و هيا ودعوها

33/ فتنتى

إن في عينيك ... آيات الغرام
وبكفيك كؤوس من حلال وحرام
******
اشعلها يوم ان ألقاك في المهجة نارا
وارسلي البسمة تحكي في دياجينا النهارا
ودعيني الثم الثغر وخديك مرارا
****
أشرعي عينيك في عيني نجوي لاسهام
لأري الفتنة في عينيك يقظي لاتنام
******
داعب الخد نسيم الصبح يكسوه احمرارا
ثم ماد القد والخصر تناهي واستدارا
وتحدي الثوب فوق الصدر نهد قد تواري
*******
فتنتي والشعر براق علي غير إنتظام
فارسلي طيفك يمحو النوم من عين النيام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamizka.ahlamontada.net
Admin
Admin


المساهمات : 40
تاريخ التسجيل : 01/04/2009

مُساهمةموضوع: رد: مكتبة كلمات أحمد المصطفى   الجمعة أبريل 03, 2009 5:53 am

34/ انا أمدرمان

انا امدرمان تأمل في نجوعى
انا السودان تمثل في ربوعى
انا ابن الشمال سكنته قلبى
علي ابن الجنوب ضميت ضلوعى
انا امدرمان سلوا النيلين عنى
وعن عزمات فتاي عند التجنى
فخير بنيك ياسودان منى
سلو الحادي سلوا الشادي المغنى
انا امدرمان اذا ما قلت اعنى
فما نيل المطالب بالتمنى
تجيش النفس بالآمال لكن ولكن هذه لم لا تدعنى
انا امدرمان مضي امسي بنحسى
غدا وفتاى يحطم قيد حبسى
واهمس والفضاء يعلن همسى
واهتف والوري يعرف حسى
واخرج للملأ في ثوب عرسى
وابسم بعدما قد طال عبسى
فيا سودان اذ ما النفس هانت
اقدم للفداء روحي بنفسى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamizka.ahlamontada.net
 
مكتبة كلمات أحمد المصطفى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى مزيكا :: أقسام المنتدى :: قسم كلمات الأغاني السودانية-
انتقل الى: